НАСТАНИ

КС Групација дел од CAREER EXPO 2026 во Битола

КС Групација беше дел од Саемот за кариера CAREER EXPO 2026, кој се одржа на Факултетот за информатички и комуникациски технологии (ФИКТ) во Битола. Настанот претставуваше одлична можност за директна средба со студентите и размена на идеи за нивниот професионален развој и идни кариерни чекори.

На нашиот штанд, претставници од секторите за човечки ресурси и маркетинг ги запознаа посетителите со програмата за стипендирање на КС Групација, како и со актуелните можности за кариера во ИТ секторот.
Посебна вредност на разговорите донесоа и двајцата тековни стипендисти на КС Групација, кои од прва рака споделија искуства за програмата и за можностите за професионален развој во рамки на компанијата.

Големиот интерес и посетеноста на нашиот штанд уште еднаш ја потврдија важноста на вложувањето во млади таленти. Нашата програма за стипендирање е наменета за студенти од сите студиски години – од бруцоши до апсолвенти – и нуди конкретна поддршка за нивниот професионален напредок.

Во рамки на КС Групација функционираат повеќе компании од различни области, меѓу кои Евротип, Голд Слот Клуб, Голд Фелициа Тетово, Голд Фелициа Битола, 77 Софт, 77 Ентертејнмент, Агро Брод и Премиум Сејфти Солушн. Заедничката цел е создавање современа работна средина која нуди можности за учење, развој и градење долгорочна кариера.

Со учество на вакви настани продолжуваме активно да ги поддржуваме младите и да градиме мост помеѓу образованието и реалниот сектор, верувајќи дека инвестицијата во луѓето е клучот за одржлив раст.

Забрането превземање на фотографиите !